做乜都得，即係做乜都唔得？

筆者只不過係一個英文系嘅畢業生，所以畢咗業之後都唔知做咩好，唔似得啲朋友咁：讀完account嘅就入big 4；讀中醫嘅就自然做中醫師。於是當時有好多「豬朋狗友」都咁講：

🐷：超，你識英文做乜都得啦～似得我讀中文有鬼用咩。
🐶：咪係囉，我讀「宗哲」唔通做神父啦喎。大把嘢畀你揀啦，都唔明你愁咩。

正所謂「家家有本難唸的經」，如是者當時只好默默搵工，但啱啱畢業，嚟嚟去去咪又只係識得嗰幾個網，結果望住堆「三幅被」純文字，睇到頭都大埋。啲公司一係就要你十項全能，一係就要你有幾多年經驗，話fresh grad welcome嗰啲就從來都冇回音。

到最後，連啲咩「撳個掣搵好工」又試過，仲「閉翳」到上埋勞工處個網，係唔係都掉咗份CV出去先算，實行天女散花──有殺錯冇放過。

結果當然唔理想，但好彩嘅係遇到一間廣告公司嘅老闆：

👩🏼‍💼：我想問吓呢，點解上網除咗Facebook之外會搵唔到你profile嘅？
🙍🏽‍：欸…因為我諗住CV已經足夠？
🤦🏽‍：阿仔…你咁樣唔得㗎，就算你份CV點靚都好，HR都要有其他方法睇多啲你嘅嘢先得㗎～好多時如果我哋請人嗰陣，連你其他profile都搵唔到，分分鐘見都唔見你呀
🤕：我會返去整㗎啦，咁…份工嗰度…
💁🏼‍：一見完你就知你唔係咁想做呢份工啦，你係搵唔到工先亂咁黎姐，返去整好個digital profile就會大把工等住你見㗎啦，呢張我卡片，有咩想知你就再搵我啦。

▲ 唔知大家有冇睇過呢份小學生寫嘅CV呢？

Digital profile？食得㗎？

就係咁，筆者除咗驚訝佢知道我唔想做嗰份工之外，當日就即刻返去上網整自己嘅digital profile，過咗一排之後，成件事開始有啲唔同。雖然好多時都係冇offer，但至少多咗好多機會去見唔同嘅工，甚至開始有recruiter嘅出現。

當其時整到正式啲嘅digital profile其實都離不開LinkedIn，或者整個personal website，但試問又會有幾多個人花心力去做後者？

除咗「拿拿聲」set up好個account之外，就喺度諗究竟有啲咩platform可以令到佢有多啲exposure呢？最後無啦啦Google吓嘅時候就搵到Wantedly。

或者大家睇到呢個位，相信都會諗：我挑，講到最後咪又係hard sell。

但無可否認嘅係，網上極少途徑畀自己建立比較formal嘅digital profile，

至於搵唔搵到一份啱自己嘅工，就要睇吓你畀幾多心機整靚個profile，做好自己嘅online self-branding喇。

✨ 即刻上Wantedly整好個digital profile再開始搵工啦！✨